දිරිය උදාන

අයදුම්කරුවන්ට ස්වේච්ඡාවෙන් මෙම තරග වලට සහභාගී විය හැක.

අයදුම්කරුවන් වයස අවුරුදු 18 හෝ ඊට වැඩි අයවලුන් විය යුතු ය.

තරගයට සුදුසුකම් ලැබීම සඳහා, නිසි ලෙස සම්පූර්ණ කරන ලද අයදුම් පත්‍රයක් ඉදිරිපත් කළ යුතු ය.

තරගයට ඉදිරිපත් විය හැක්කේ ශ්‍රී ලාංකික පුරවැසියන්ට පමණි.

තනි පුද්ගලයන් ලෙස හෝ කුඩා ව්‍යවසායක කණ්ඩායම් ලෙස අයදුම්පත් ඉදිරිපත් කළ හැක.

කුඩා කණ්ඩායමක් ලෙස අයදුම් කරන්නේ නම්, කණ්ඩායමේ සියලුම සාමාජිකයන් අදාළ සුදුසුකම් සපුරා තිබිය යුතු අතර, වෙන වෙනම අයදුම්පත් ඉදිරිපත් නොකළ යුතු ය.

කුඩා කණ්ඩායම් ලෙස අයදුම් කරන පුද්ගලයන් කණ්ඩායම් නායකයා සහ අයදුම්පත ඉදිරිපත් කරන්නා ලෙස එක් පුද්ගලයෙකු පත්කළ යුතු ය.

තරග කාලය තුළ කණ්ඩායමේ සාමාජිකයන් හෝ ඉදිරිපත් කරන්නා වෙනස් නොවිය යුතු ය.

කුඩා කණ්ඩායමක් වෙත ජයග්‍රහණය හිමි වුවහොත්, අයදුම්පත්‍රයේ 'කණ්ඩායම් නායකයා' ලෙස දක්වා ඇති පුද්ගලයා වෙත අදාළ ත්‍යාගය පිරිනැමේ.

තරගය 2021 ඔක්තෝබර් 11 දින ආරම්භ වී, 2021 නොවැම්බර් 18 දින අවසන් වේ.

තරගය සඳහා ඇතුළත් වීමේ ගාස්තුවක් අය නොකෙරේ.

තරගයට් අදාළව දක්වා ඇති ත්‍යාග පමණක් පිරිනැමෙන අතර ඒ වෙනුවට මුදල් හෝ වෙනත් විකල්ප ලබාගත නොහැක. ත්‍යාග වෙනත් කෙනෙකුට පැවරිය හැකි නොවේ. තොග පවතින ආකාරයට ත්‍යාග පිරිනමනු ලබන අතර, දක්වා ඇති ත්‍යාගය වෙනුවට පූර්ව දැනුම්දීමකින් වෙනත් හෝ ඊට සමාන වටිනාකමක් ඇති ත්‍යාගයක් පිරිනැමීමේ අයිතිය අප සතු ය.

මෙම තරගය සඳහා අයදුම්කරුවන් විසින් Uber වෙත ඉදිරිපත් කරනු ලබන සියලුම අදහස්, සටහන්, විශ්ලේෂණ, සහ ලියකියවිලි ආදිය සංකල්පමය වශයෙන් සහ අන්තර්ගතය අතින් තමන්ගේම නිර්මාණ විය යුතු අතර කිසිදු තෙවන පාර්ශ්වයක බුද්ධිමය දේපළ අයිතීන් උල්ලංඝනය නොකළ යුතුය. අයදුම්කරුවන් විසින් ඉදිරිපත් කරනු ලබන අදහස්, සටහන්, විශ්ලේෂණ, සහ ලියකියවිලි ආදිය සම්බන්ධයෙන් Uber කිසිදු වගකීමක් නොදරයි.

මෙම තරගය සඳහා අයදුම්කරුවන් Uber වෙත ලබාදෙන සියලු තොරතුරු එම අයදුම්කරුවන් විසින් ස්වේච්ඡාවෙන් ලබාදෙන තොරතුරු වේ.

ඕනෑම අවස්ථාවක, පූර්ව දැනුම්දීමකින් තොරව, තරගයේ නියමයන් හා කොන්දේසි අවලංගු කිරීමේ හෝ සංශෝධනය කිරීමේ අයිතිය අප සතු ය.

ජයග්‍රාහකයන් සම්බන්ධයෙන් විනිශ්චය මණ්ඩලයේ තීරණය අවසන් තීරණය වේ.

තරගයේ ජයග්‍රාහකයන් වෙත පිරිනමන ත්‍යාග වලට අදාළව ගෙවීමට සිදුවිය හැකි බදු ආදිය සම්බන්ධයෙන් Uber කිසිදු වගකීමක් නොදරයි

තරගයේ ජයග්‍රාහකයන් සාධාරණ ප්‍රචාරණයක් යටතේ තරගයට සහභාගී වීමට සහ, ඒ සඳහා තම පූර්ණ සහයෝගය ලබාදීමට එකඟ වන අතර, තම නම්, ඡායාරූප සහ ඕනෑම ප්‍රකාශයක් ප්‍රචාරණ කටයුතු සඳහා කිසිදු ගාස්තුවකින් තොරව යොදාගනු ලැබීමට එකඟ වේ.

තම ක්‍රියාකාරකම් වල විෂය පථය පුළුල් නොකර අඛණ්ඩව අතරමැදියෙකු ලෙස තම කාර්යභාරය ඉටුකිරීමට Uber කටයුතු කරනු ඇත.

Uber කිසිදු අවස්ථාවක මෙම තරගයේදී ලබාදෙන භාණ්ඩ / ත්‍යාග සම්බන්ධ අලෙවිකරුවෙකු ලෙස කටයුතු නොකරයි.

මෙම තරගයේ නියමයන් හා කොන්දේසි ශ්‍රී ලංකාවේ බලාත්මක නීතිරීති වලට යටත් වේ.

තරගයට ඇතුළත් වීම යනු තරගයට අදාළ නියමයන් හා කොන්දේසි පිළිගැනීමක් ලෙස සැලකේ.